Ar hyn o bryd, mae ein gwasanaeth Pryd ar Glud yn darparu dros 1,600 o brydau bwyd yr wythnos. Rydym yn darparu prydau poeth, maethlon sy’n diwallu ar gyfer pob math o ofynion dietegol ac anghenion diwylliannol. Mae ein gwasanaeth fforddiadwy ar gael i holl drigolion Caerdydd ar yr amod eu bod yn bodloni’r meini prawf.
Mae Teleofal Caerdydd yn gyswllt ffôn 24 awr i’n gwasanaeth larwm cymunedol ac ymateb sy’n eich galluogi i gadw’n ddiogel ac i barhau i fod yn annibynnol yn eich cartref eich hun. Gan wasanaethu dros 4,500 o gwsmeriaid ar draws y ddinas, mae’r gwasanaeth hanfodol hwn yn achubiaeth i gynifer o bobl sy’n byw ar eu pen eu hunain yn ogystal â chyplau a theuluoedd.
Drwy bwyso’r botwm ar eich crogdlws neu uned ymateb byddwch yn cysylltu’n uniongyrchol â’n tîm cyfeillgar a fydd yn siarad â chi drwy’r seinydd ar yr uned. Bydd y tîm yn mynd ati ar unwaith i’ch helpu, 24 awr y dydd, 365 diwrnod y flwyddyn. Gallai hyn gynnwys cysylltu ag aelod o’r teulu, meddyg, gofalwr, neu’r gwasanaethau brys.
Mae Teleofal Caerdydd yn fwy na larwm botwm y gallwch ei bwyso gan fod modd rhoi synwyryddion ychwanegol ym mhob rhan o’r cartref sy’n golygu y bydd y gwasanaeth bob amser yn bodloni eich anghenion.
Bydd cost yr offer a’r monitro dilynol yn wahanol, gan ystyried y ffactorau canlynol;
· Os ydych yn derbyn unrhyw fudd-dal sy’n seiliedig ar brawf modd
· Os oes gennych god hyrwyddo a ddyfynnwyd
· Os ydych wedi gofyn i Wasanaethau Cymdeithasol ariannu cost yr offer
· Lefel y gwasanaeth a ofynnwyd amdano, £3.60 yr wythnos ar gyfer Contract yn Unig a £6.43 yr wythnos ar gyfer Ymateb Symudol
Mae Cyngor Caerdydd wedi ymrwymo’n llawn i ddarparu gwasanaethau rhagorol i ddinasyddion Caerdydd. Mae Teleofal Caerdydd yn un o’r gwasanaethau gwerth gorau o’i fath yng Nghymru. Y cyfan sydd angen i chi ei wneud yw dewis y pecyn sydd fwyaf addas i chi a rhoi galwad i ni.
Mae Pryd ar Glud ar gael i bob trigolyn yng Nghaerdydd a rhannau dwyreiniol Bro Morgannwg gan gynnwys Dinas Powys, Sili, Llandochau, Penarth a Gwenfô ar yr amod eu bod yn bodloni’r meini prawf.
Gall cwsmeriaid gael eu hatgyfeirio gan deulu, ffrindiau, cymdogion, neu weithwyr iechyd a gofal cymdeithasol proffesiynol a rhaid iddynt fodloni’r meini prawf canlynol:
© Telecare Cardiff - Gwefan wedi'i gynllunio gan Tȋm y We Cyngor Caerdydd
Polisi CwcisPolisi Preifatrwydd